«Махаббат-мәңгі ертегі» атты қалалық байқауы ұйымдастырылды
Қызылорда қалалық мәдениет және тілдерді дамыту бөлімінің қолдауымен қалалық орталықтандырылған кітапханалар жүйесінің ұйымдастыруымен 15 сәуір – «Қозы Көрпеш – Баян сұлу» ұлттық ғашықтар күніне орай, А.Тоқмағамбетов атындағы мәдениет үйінде ғашықтық жырлардан «Махаббат-мәңгі ертегі» атты қалалық байқауы ұйымдастырылды. Байқауда И.Әбдікәрімов атындағы Қызылорда аграрлық техникалық жоғары колледжінің қатысушылары екінші орын иеленді.
Байқауда колледж студенттері Бекен Қуаныш, Алпысбай Іңкәр «Қыз Жібек пен Төлеген» ғашықтық дастанынан үзінді жатқа айтып, «Геология және сандық техника» бөлімшесінің студенттері қойылым қойды, өнерлерін жоғары дәрежеде көрсетті. Жетекшілік етуші география пәнінің оқытушысы Ибраева Сырғаш Сақтағанқызы.