«Әже жүрегіндегі ғұмыр – қыз жүрегіне құйылар нұр» рухани сырласу кеші өтті

Қай қоғамда да аналар мен әжелер – тәрбиенің темірқазығы, ұрпақтың рухани тірегі. Осындай қасиетті міндетті ұлықтаған, ұлт болмысы мен қыз баланың тәрбиесін дәріптеген тағылымды кешіміз өтті. Кеш тақырыбы – «Әже жүрегіндегі ғұмыр – қыз жүрегіне құйылар нұр».

 Мақсатымыз – ұрпақтар арасындағы рухани сабақтастықты нығайту, қыз баланың ішкі жан дүниесін байытып, өмірге деген көзқарасын тереңдету.  

Бұл тек кездесу емес, жүрек пен жүректің үндесуі, рух пен рухтың табысуы болды.

 Кеш қонақтары:

Қалжанова Разия Қалжанқызы- Облыстық әжелер алқасының төрағасы

Шаймағанбетова Қадіркүл Бердібекқызы- төраға орынбасары

Балмағанбетова Балбөпе Орынбасарқызы- алқа мүшесі

Колледж ардагер ұстаздары:

Махатова Гүлсара Нұртешқызы

Досжанова Шара Абдулатифовна

Баязитова Жумакүл Абсатовна

Қашақбаева Жаңыл

Есахаева Данагүл Алдабергенқызы

Кеш барысында:

- Әжелердің өмірлік тәжірибесі, даналығы мен аналық мейірімі жастарға өнеге ретінде ұсынылды;

Кештің ең бір толғандырар тұсы – ұрпақтар арасындағы рухани көпірге айналған сырлы сұхбат сәті болды. Бұл жай ғана сұрақ-жауап алмасу емес, бұл – жүректен жүрекке жеткен мейірім үні, ғасырдан ғасырларға жеткен даналықтың жібі еді. 

- «Ақ орамал аманаты» арқылы символикалық өсиет берілді, бұл – жүрекке құйылған рухани жарықтай әсер етті.

 Әжелеріміз әрбір сөзінде – салмақ, әрбір ісінде – тағылым қалдырды.  

Олар:

> «Қыз – ұлттың айнасы. Әуелі мейірімді, ибалы, инабатты болсын», – деп батасын беріп, жүректен шыққан тілектерін ақ жаулықпен бірге аманаттады.

 Әр қыз бала – болашақ ана. Оның бойындағы тәрбиенің бастауы – әже мектебінен нәр алады.  

 Әже – үнсіз ұстаз. Оның шапағаты, мейірімі мен даналығы ұрпақтың келешегіне бағыт береді.

 Кеш соңында Қалжанова Разия Қалжанқызы колледж ардагер ұстаздарын «Алғыс хатпен» марапаттады.

 Ұйымдастырушылар: Мемлекеттік және шет тілдер»ПЦК жетекшілері  

Барлық қатысушы әжелер мен қыздарымызға, кеш қонақтарына зор алғысымызды білдіреміз. Бүгінгі рухани кеш – өткеннің үні, бүгінгі жүректің тілі, болашақтың бағдары болды.

 Осындай сырға толы кездесулер – ұлт болашағына салынған асыл дән. Сол дән өнсін, өркендесін!