ҚҰТТЫҚТАЙМЫЗ!

2025 жылдың 27-28 ақпан күндері Атырау облысы, «APEC Petro Technic» жоғары колледжі базасында өтілген ТжКББ ұйымдарының арасындағы Мұнай-газ саласы бойынша Республикалық кәсіби шеберлік конкурсында колледжіміздің оқытушылары жетістіктермен оралды.

 Арнайы пән оқытушысы Мырзабаева Динара Сериковна байқауда жоғары кәсіби шеберлік танытып, ІІ орын иеленді. Оның шеберлігі мен тәжірибелік дағдылары әділқазылар тарапынан жоғары бағаланды.

 Сондай-ақ, байқауда «Геологиялық барлау және газбен қамтамасыз ету» ПЦК жетекшісі Бөлебаева Жанат Алпысбаевна сарапшы ретінде қатысушылардың жұмыстарын бағалауға әділ қазылық жасаған Алғыс хатпен марапатталды.

Байқаудың негізгі мақсаттары:

 Кәсіби дағдыларды жетілдіру - мұнай-газ саласындағы заманауи технологияларды меңгеруге ынталандыру.

 Білім беру сапасын арттыру - ТжКББ ұйымдарының бәсекеге қабілеттілігін дамыту.

 Тәжірибе алмасу - оқытушылар мен сарапшылар арасында озық педагогикалық әдістер мен тәжірибелерді бөлісу.

 Салалық мамандарды даярлау - мұнай-газ саласына қажетті жоғары білікті мамандарды анықтап, оларды қолдау.

 Инновациялық әдістерді енгізу - оқыту процесіне жаңа технологиялар мен әдістерді енгізуге ықпал ету.

Байқау мұнай-газ саласындағы білікті мамандарды даярлауға, инновациялық оқыту әдістерін енгізуге және үздік педагогикалық тәжірибелерді насихаттауға бағытталды.

Байқаудың негізгі кезеңдері:

 Теориялық бөлім:

Мұнай-газ саласындағы кәсіби білім бойынша тестілеу.

 Практикалық бөлім: 5 модуль бойынша өндірістік жағдайларға негізделген тапсырмаларды орындау. Заманауи технологиялар мен симуляторларды пайдалану арқылы жұмыс дағдыларын көрсету.

 Мырзабаева Динара Сериковнаны лайықты жеңісімен құттықтаймыз! Оның кәсіби біліктілігі мен оқытудағы жаңашылдығы колледжіміздің абыройын асқақтатты.

Бөлебаева Жанат Алпысбаевнаның әділ бағалауы мен сараптамалық тәжірибесі байқаудың сапалы өтуіне үлес қосты. Бұл жетістік - колледжіміздің сапалы білім беру жолындағы жетістіктерінің бірі!                            

Әріптесіміздің еңбегі мен біліктілігін жоғары бағалай отырып, алдағы уақытта да шығармашылық табыс, кәсіби өрлеу мен жаңа белестерді бағындыруды тілейміз!