Исатай Әбдікәрімов атындағы Қызылорда политехникалық жоғары колледжінде 2025 жылдың 27 қарашасында колледждің Мансап және кәсіби бағдар беру  орталығы және жас оқытушылар Сейтхан Ақерке Ағытайқызы,Сүлеймен Аяжан Қалымбекқызының ұйымдастыруымен «Сенімді түйіндеме – кәсіби табыстың кілті» бітіруші топ студенттеріне арналған түйіндеме жазу бойынша практикалық тренинг өтті. 

Мақсаты-студенттерге еңбек нарығында сұранысқа ие болу үшін тиімді,сауатты және кәсіби түйіндеме дайындаудың негізгі қағидаларын үйрету.

Тренинг барысында студенттер:

-резюмеде міндетті түрде болуы тиіс бөлімдермен танысты;

-өз дағдылары мен жетістіктерін дұрыс көрсету тәсілдерін меңгерді;

-жұмыс берушілерге әсер қалдыруға көмектесетін лайфхактарды алды;

-тікелей практикалық түрде жеке резюме дайындап көрді.

Сонымен бірге мекемеге бару әдебі, дресс-код түсіндірілді. Жұмысқа орналасу кезіндегі сұхбатқа дайындық ретінде  рөлдік ойындар ойнатылды.Іс-шара соңында

Рефлексия жасалды:

Мен үшін түйіндеме туралы ең маңызды ақпарат – …

Болашақта түйіндеме жасағанда бірінші кезекте мән беретінім — …

Сұхбатқа дайындықта өзімде дамытқым келетін қасиет — …

Іс-шара бітірушілердің болашақ мансабын жоспарлауда маңызды қолдау болып,кәсіби бағыт-бағдар берілді.