Меморандумның басты мақсаты:

Білікті кадрларды даярлау және қайта даярлау;

Студенттердің өндірістік тәжірибеден өтуін қамтамасыз ету;

Үздік түлектерді жұмысқа орналастыруға жәрдемдесу;

Оқу бағдарламаларын жетілдіру және жаңа технологияларды игеруге қолдау көрсету;

Колледждің материалдық-техникалық базасын дамыту.

Ынтымақтастық аясында:

1–2 курс студенттері арасынан үлгерімі жоғары, қоғамдық жұмыстарға белсене қатысатын жастар «Торғай Петролеум» компаниясында өндірістік тәжірибеден өтеді;

Компания студенттерге тәлімгерлік қолдау көрсетіп, оқу барысындағы іс-сапарларға және қоғамдық белсенділікке жұмсалған шығындарды өтеуге ықпал жасайды;

Үздік студенттерге гранттар, стипендиялар мен басқа да әлеуметтік көмек түрлері қарастырылады;

Тәжірибеден сәтті өткен түлектер өз мамандықтары бойынша жұмысқа орналастырылады;

Компания қызметкерлері мен колледж оқытушылары бірлескен ғылыми-тәжірибелік және әдістемелік іс-шараларға қатысады.

Меморандум 3 жыл мерзімге жасалып, екі тараптың өзара тиімді ынтымақтастығын қамтамасыз етеді.

Бұл – студенттердің кәсіби дамуына және өңірдің өндірістік әлеуетін арттыруға бағытталған үлкен серпін!

Исатай Әбдікәрімов атындағы Қызылорда политехникалық жоғары колледжінің директоры

Жүнісов Абайбек Талғатұлы. «Торғай Петролеум» АҚ Бас директоры Сарқытбаев Марат Қарабекұлы.